Өнгөрсөн шөнө /2022.03.14/-ийн 01:10 цагийн орчимд Баянзүрх дүүргийн 22 дугаар хорооны нутаг дэвсгэрт байрлах нэгэн караокед "цээжиндээ хутгалуулсан ухаангүй хүн байна" гэх дуудлага, мэдээлэл хуулийн байгууллагад иржээ.
Мэдээллийг цагдаагийн газраас шалгахад 32 настай, эрэгтэй, иргэн "Н" гэгч нь цээжин тус газраа хутганы шархтай амь насаа алдсан байжээ. Уг хэрэгт холбогдуулан иргэн "Г" гэгчийг тус дүүргийн 8 дугаар хорооны нутаг дэвсгэрээс 04:00 цагийн үед хуулийн байгууллагын алба хаагчид дайчлан баривчилж, мөрдөн шалгах ажиллагааг явуулж эхэлсэн байна.
