Д.Кёкүшюзанбатбаяр нарт холбогдох хэргийн гэм буруугийн шүүх хуралдаан өнөөдөр /2022.02.28/ Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхэд хэлэлцэнэ.
Тодруулбал, Д.Кёкүшюзанбатбаяр нарт холбогдох хэргийн гэм буруугийн шүүх хуралдааныг өмнө нь 2022 оны хоёрдугаар сарын 10-ны өдрийн 10 цагт товлосон боловч гэрч Ц.Энхтөр шүүх хуралдаанд ирээгүй, иргэний нэхэмжлэгчийн өмгөөлөгч С.Эрдэнэсувд хүндэтгэн үзэх шалтгааны улмаас шүүх хуралдаанд ирээгүй тул шүүх хуралдаанд оролцвол зохих тал болох гэрч, иргэний нэхэмжлэгч нарыг шүүх хуралдаанд оролцуулах хүсэлтийг хүлээн авч, хуралдааныг 2022 оны хоёрдугаар сарын 28 -ны өдрийн 10:00 цаг хүртэл хойшлуулж, шүүгдэгч нарт урьд авсан хувийн баталгаа гаргах таслан сэргийлэх арга хэмжээ болон Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээг хэвээр үргэлжлүүлсэн юм.
