ОХУ-ын цэргийн тусгай ажиллагааны улмаас Украин улс дайны байдалд шилжээд байна. Иймд тус улсад байгаа Монгол иргэдийг яаралтай татан авахаар Гадаад харилцааны яам /ГХЯ/-ынхан ажиллаж байгаа аж.
Учир нь Гадаад харилцааны яамнаас “Украинаас ирж байгаа иргэдийг авахаар Варшав, Будапешт, Прагад суугаа ЭСЯ-ны ажилтнууд хил дээр ажиллаж байна” гэлээ.
ГХЯ-ны тус мэдээлэлд, “Варшав дахь ЭСЯ-ны ажилтнууд Польш-Украины хилийн зурвасаас 1, Польшийн хил дээр ирсэн 3 нийт 4 иргэнээ авлаа. Киев хотоос 13 монгол иргэн Украины хил рүү явж байгаа бөгөөд эдгээр иргэдээ авах зорилгоор Будапешт, Прагад суугаа ЭСЯ-ны ажилтнууд мөн хил дээр ирсэн болно” гэжээ.
#Варшав дахь ЭСЯ-ны ажилтнууд Польш-Украины хилийн зурвасаас 1, Польшийн хил дээр ирсэн 3 нийт 4 иргэнээ авлаа. #Киев хотоос 13 монгол иргэн Украины хил рүү явж байгаа бөгөөд эдгээр #иргэдээ авах зорилгоор Будапешт, Прагад суугаа ЭСЯ-ны ажилтнууд мөн хил дээр ирсэн болно.
— MFA Mongolia (@MongolDiplomacy) February 26, 2022
