Өнгөрсөн долдугаар сарын 26-ны өдөр /2021.07.26/ “Токио 2020” зуны олимпын наадмын жүдо бөхийн эмэгтэйчүүдийн 48 кг жингийн медалийн төлөөх барилдаанд Монгол улсын хөдөлмөрийн баатар М.Уранцэцэг ялалт байгуулж, хүрэл медалийн болзлыг хангаж эх орныхоо нэрийг өндөрт өргөөд байсан билээ.
Тэгвэл түүнд энэхүү гавьяаг нь үнэлж “Хайбрид хаус” ХХК-иас “Алтан тайж Хайбрид вилла” төслийн хамт олон тив дэлхийд эх орныхоо нэрийг дуурсгаж, ард олныхоо итгэлийг алдалгүй Олимпын хүрэл медалийг хүртсэн явдалд М.Уранцэцэгт “Хаус өмчлүүлэх эрх”-ийг олгож, медалийг нь мялаахаар болсон талаар бид өмнө мэдээлж байсан билээ.
Тэгвэл тус компаниас М.Уранцэцэгийг эх орондоо ирэхээр гардуулж өгнө гэж байсан бол гавьяат маань энэ наймдугаар сарын 04-нд эх орондоо ирсэн бөгөөд өнөөдөр /2021.08.09/ 11:00 цагт “Хайбрид хаус” компанийг үүсгэн байгуулагч, баялаг бүтээгчдийн дэмжих холбооны дэд ерөнхийлөгч, М.Уранцэцэгийн төрсөн ах Ц.Бат-Эрдэнэ гардуулж өгөх аж. Гавьяатынхаа гэр бүлд хамгийн сайн сайхныг хүсье.
