Токио 2020 зуны олимпын наадмын томоохон онцлогуудын нэг бол яах аргагүй орчин үеийн шинэ спортын төрлүүдийг нэмсэн явдал билээ. Тэгвэл тэрхүү орсон төрлүүд болох каратэ, скэйтборд, бэйсбол дээр нэмэгдэн 'YU-GI-Oh!' гэх хөзрийн тоглоомыг багтаах хэрэгтэй гэж олон улсын цахим хэрэглэгчид үзэж байгаа аж.
Энэхүү хүсэлтийг анх youtuber Зао гэх залуу эхлүүлсэн бол тэрбээр хэлэхдээ “Yu-Gi-Oh!” гэх карт солилцох тоглоом Олимпын төрөлд бүртгэгдээгүй нь шударга биш байна. Энэхүү тоглоомыг тоглоход тоглогчоос маш их тэсвэр тэвчээр, авхаалж самбаа шаарддаг бөгөөд тамирчин хүнд байх ёстой бүхий л ур чадваруудыг шаарддаг” гэсэн байна.
Одоогоор уг тоглоомыг Олимпын төрөлд оролцуулахаар 9500 гаруй хүний гарын үсэг цугларсан байгаа бөгөөд тус төрлийг Олимпын хорооноос хүлээж авах эсэх нь ямар ч баталгаагүй юм.
Эх сурвалж: Hypebeast
