БНХАУ-ын төв хэсэгт аадар бороо орсны улмаас томоохон хотуудад нөхцөл байдал хүндэрч байна. Тухайлбал, 94 саятай Хэнань мужид 10 мянга гаруй хүнийг нүүлгэн шилжүүлж, хоргодох байранд оруулжээ. Нийгмийн сүлжээнд цацагдсан зургуудад гудамжууд тэр аяараа усанд автаж, хог хаягдал урсаж буй нь дүрслэгдсэн байна. Түүнчлэн тус мужид саяхан болсон шуурганы улмаас эвдэрсэн далан үерт автаж, нурах эрсдэл үүсээд байгаа аж.
Хэнаниас гадна Луянг хотын төвд байрлах даланд ижил нөхцөл байдал үүсээд байна. Далангийн орчимд цэргүүдийг байрлуулсан бөгөөд иргэдэд “хэзээ ч нурж болзошгүйг” анхааруулж ажиллаж байна.
Түүнчлэн Жэнжоу хотод нөхцөл байдал хүндэрчээ. Хотын эрх баригчдын баталснаар үерийн улмаас 12 хүн амь эрсэдсэн байна. Мөн орон нутгийн хэвлэлүүдийн мэдээлж буйгаар Жэнжоу хотын метро үерт автаж, олон хүн гацсан байдалтай байгаа аж. Үерийн ус хүмүүсийн мөрөнд хүрсэн бөгөөд аврагчид олс ашиглан иргэдийн татаж гаргаж байна.
Цаг уурчдын мэдээлж буйгаар аадар бороо Хятадын төв хэсэгт 24 цаг үргэлжлэх төлөвтэй байна.
7月20日晚，郑州暴雨地铁5号线一车厢多人被困，水位淹过肩膀。根据郑州地铁晚上发布的消息，受持续暴雨影响，郑州地铁全线网车站已暂停运营服务，消防人员正在救援。 pic.twitter.com/wCiz7TGhki
— The Paper 澎湃新闻 (@thepapercn) July 20, 2021
Эх сурвалж: BBC
