Коронавируст халдварын нөхцөл байдал хүндэрч байгаатай холбоотой Хөвсгөл аймгийн Цагааннуур суманд 2021 оныг дуустал жуулчин хүлээн авахгүй байх шийдвэр гаргажээ.
Тус сумын Хармай багийн засаг даргын гаргасан захирамжид “COVID-19 вирусийн тархалт Монголд буухгүй байгаа нөхцөл байдалтай холбогдуулан ард иргэдийн санал хүсэлтийн дагуу 2021 оныг дуустал Баруун, Зүүн тайгад байгалийн аялал болон, цаачин түмний ахуй амьдралтай танилцах, цаан сүрэг үзэх аяллыг хүлээн авахгүй байхаар болсон тул энэ маршрутын дагуу аялал зохион байгуулахгүй байхыг мэдэгдэж байна. Цагийн байдал ямар байхаас шалтгаалан дээрх хугацаанд өөрчлөлт орж болно” гэжээ.
