Үндэсний аудитын газраас 2021 оны Монгол Улсын Ерөнхийлөгчийн ээлжит сонгуулийн зардлын дээд хэмжээг 8.1 тэрбум төгрөгөөр тогтоосон талаар мэдээллээ.
Ерөнхийлөгчийн сонгуулийн тухай хуульд ээлжит сонгуулийн жилийн гуравдугаар сарын 1-ний өдрөөс өмнө аудитын байгууллагаас сонгуулийн зардлын дээд хэмжээг тогтооно хэмээн заасан байдаг. Энэ дагуу ҮАГ-аас сонгуулийн зардлын дээд хэмжээг тогтоосноо танилцууллаа.
Үндэсний аудитын дөрөвдүгээр газрын дарга Я.Самбууням "Төрийн аудитын байгууллагаас Ерөнхийлөгчийн 2021 оны ээлжит сонгуульд нам, эвслээс зарцуулах зардлын дээд хэмжээг 8.1 тэрбум төгрөгөөр тогтоосон. Энэ дүнг тогтоохдоо холбогдох хуульд заасны дагуу нутаг дэвсгэрийн хэмжээ, байршил, өрхийн болон сонгогчийн тоо зэрэг шаардлагыг харгалзан үзсэн" гэв.
