Москва хотын Симоновскийн шүүх орон нутгийн цагаар энэ сарын 02 ны өдөр хуралдаж ОХУ-ын сөрөг хүчний удирдагч А.Навальныйд оногдуулсан тэнсэн харгалзах ялыг хорих ялаар сольжээ.
Учир нь ОХУ-ын шүүхээс А.Навальный нь тэнсэн харгалзах журмыг удаа дараа зөрчин, хилийн хориотой үедээ ХБНГУ /Герман/ руу явсан гэм буруутай гэж үзжээ. Ингээд түүнд оногдуулаад байсан 3 жил 5 сарын тэнсэн харгалзах ялыг хорих ялаар сольж шийдвэрлэсэн бөгөөд гэрийн хорионд байсан 10 сарыг нь ялын хугацаанд тооцож нийт 2 жил 8 сар шоронд хорих ялаар шийтгэсэн байна. Харин шүүх хурал болсон байрны гадна иргэдийн жагсаал цуглаан болж, баривчилгаа явагдаж байжээ.
