Энэ сарын 17-ны өдрийн 17 цагийн орчимд Улаанбаатар-Зүүнхараа чиглэлийн галт тэрэгний замд 15 бог мал дайруулжээ. Тодруулбал тус өдөр Улаанбаатар-Зүүнхараа чиглэлийн ачааны 2557 дугаар галт тэрэг явах үед Сонгинохайрхан дүүргийн 21 хороо Ногоон толгой орчим зусаж байсан малчин Б-н мал төмөр замын хориг хашаанд орж, дайруулсан байна.
Галт тэрэг яаралтай тормозлох үед 800-1,000 метр газрыг туулсны дараа зогсдог тул иргэд өөрийн эд хөрөнгөө хамгаалж, малаа төмөр замын аюултай бүсээс холуур бэлчээн, хариулгагүй орхихгүй байхыг Төмөр замын цагдаагийн газраас анхаарууллаа.
