Ховд аймгийн төв Ховд хотод өчигдөр нэг иргэн тарваган тахлын улмаас нас баржээ. Талийгаач 42 настай эрэгтэй нь хоёр ширхэг тарвага худалдан авч, гэртээ өвчиж байхдаа гараа зүсэж халдвар авсан байна. Иймээс иргэдийг тарваганы түүхий мах, эд эрхтэнг хэрэглэхгүй байх, тарвага болон мэрэгч амьтдын бөөс, бүүрэгт хазуулахаас сэргийлэх, тарвага агнахгүй байхыг анхааруулж байна.
