Туул голд дахин нэг хүүхэд осолдсон хэрэг гарчээ.
Тодруулбал, Нийслэлийн Налайх дүүргийн 1 дүгээр хороо, Энгэр шандын Задгайд “Туул” голд 11 настай, эрэгтэй живсэн тухай дуудлагыг 07.14-ний өдрийн 13:01 цагт тус дүүргийн Онцгой байдлын хэлтэс хүлээн авчээ.
Гал түймэр унтраах, аврах 28 дугаар ангийн алба хаагчид тус өдрийн 13:30 цагт очиж, 07.15-ны өдрийн 07:00 цагаас эхлэн “Энгэр шандын задгай" гэдэг газраас Баянзүрхийн товчоо хүртэл голын урсгал дагуу 200 км-т эрэн хайх ажиллагааг зохион байгуулсан боловч үзэгдэх орчин хязгаарлагдсан тул мөн өдрийн 22:00 цагт түр зогсоосон. Өнөөдрийн 08:00 цаг эрэн хайх ажиллагааг эхлүүлсэн байна.
