2024 оны УИХ-ын сонгуулиар МАН-ын жагсаалтад багтан УИХ-ын гишүүн болсон М.Энхцэцэгийн алдаатай бичсэн мэдээлэл олны шүүмжлэлийг дагуулаад байна.
Түүний хувьд Эрдэнэт хот 4-р 10 жилийн сургууль, ШУТИС, ЭХИС-ийг цахилгаан системийн автоматжуулалтын инженерийн бакалавр, ШУТИС, ЭХИС-ийг цахилгаан системийн автоматжуулалтын инженерийн магистр, Австрали RMIT их сургууль, цахилгааны инженерийн магистр, Австрали RMIT их сургуулийн эрчим хүчний доктор зэргийг тус, тус хамгаалсан байна. УИХ-д боловсрол өндөртэй гишүүдийн тоонд ордог тэрбээр Австралийн Middleton group компанид эрчим хүчний системийн загварчлал шинжилгээний инженер, ахлах инженерээр хүртэл ажилласан туршлагатай.
Гэтэл "эр, эм үгэнд ямар ы, ий залгаж бичихээ мэдэхгүй "байнгын" гэдэг үгийг "байнгийн" хэмээн мөн хоёр гийгүүлэгчийн дундах гээх ёстой эгшиг үсгийг гээлгүй "Нийгэмийн" гэж бичжээ. Мөн "тэр дундаа" гэх үгийг тун дундаа хэмээн үгийн сонголтгүй бичсэн байгаа юм. УИХ-ын гишүүний ажил алба нь хууль боловсруулж, батлалцдаг бүх талын өндөр мэдлэг шаардсан ажил. Харин энд ажиллах гишүүд нь бичиг үсгийн боловсролгүй байх нь олны шүүмжлэлийг дагуулж байна.
