Өчигдөр /2025.05.04/ Японы Токио хотод зохион байгуулагдсан ASICS Speed Race 10 км-ийн гүйлтийн уралдаанд Кени улсын тамирчин Винсент Кибет Лангаат уралдааныг тэргүүлж, түрүүлэхэд ойрхон байсан ч сүүлийн эргэлт дээр андуурч шууд урагш гүйснээр түрүүгээ алджээ.
ВИДЕО:
🇰🇪🏃 Kenyan runner loses race after missing the turn right before the finish line
— NEXTA (@nexta_tv) May 5, 2025
At the ASICS Speed Race in Tokyo, Vincent Kibet Langat was leading the 10K and looked set to win — until he ran straight past the final turn just meters from the finish.
Ethiopia’s Jemal Yimer… pic.twitter.com/Pjeb2GesTx
Барианы шугамаас ердөө хэдхэн метрийн өмнө болсон энэ алдааг Этиопийн Жемал Йимер овжин ашиглан Лангаатыг ардаа орхиж түрүүлсэн байна. Харин түүний араас өөр нэгэн Кени улсын тамирчин Виктор Кипруто мөн Лангаатыг гүйцэж, хоёрдугаар байрыг эзэлсэн бол Лангаат гуравдугаар байранд орсон байна.
Уралдааны бичлэг болон гэрчүүдийн мэдээллээс харахад, Лангаат замын тэмдэглэгээг анзааралгүй өнгөрч, сүүлийн эргэлт дээр шууд урагш гүйсэн бөгөөд уралдааны зохион байгуулагчид энэ үйл явдлыг “харамсалтай төөрөгдөл” хэмээн тодорхойлжээ. Тэмцээний дараа Лангаат мэдэгдэл хийж, “Би ялалтад ойрхон байсан. Гэвч чиглүүлэгч тэмдэглэл тодорхой биш байлаа. Гайхалтай боломж алдсандаа маш их харамсаж байна” хэмээн ярьжээ.
