Хятадын баруун өмнөд хэсэгт орших Гүйжөү мужийн Чянси хотын ойролцоо байрлах Чянси мөрөнд аяллын завьтай жуулчид гэнэт хүчтэй салхинд цохиулж, хоёр завь хөмөрсний улмаас 84 хүн усанд осолдсон ноцтой осол гарчээ.
ВИДЕО:
❌Holiday horror in China: 10 dead after tourist boats overturned by sudden winds
— NEXTA (@nexta_tv) May 5, 2025
Strong winds hit Guizhou province, capsizing boats and throwing 84 people into the Qianxi river. At least 10 dead, 70+ hospitalized.
The disaster struck during the final days of China’s May… pic.twitter.com/9hpgT8WZJp
Эдгээр хүмүүсээс 10 хүн амиа алдаж, 70 гаруй хүн эмнэлэгт хүргэгдэн эмчлүүлж байгаа аж. Мөн зарим хүмүүсийн биеийн байдал хүнд байгаа талаар орон нутгийн хэвлэл мэдээллүүд мэдээлжээ. Энэхүү эмгэнэлт хэрэг нь Хятадын хамгийн олон хүн амарч, аялдаг “Маягийн амралт” буюу 5-р сарын эхний урт амралтын үеэр тохиолдсон байна.
Энэ үеэр улс даяар сая сая хүн аялж, амарч байдаг тул ослын үеэр завин дээр зорчиж явсан хүмүүсийн тоо өндөр байсан гэж үзэж байна.
Гэнэт гарсан хүчтэй салхи завинуудыг тогтворгүй болгож, усны мандалд огцом хөөргөснөөр хяналтаа алдсан завинууд хөмөрсөн аж. Зарим гэрчүүдийн хэлснээр салхи ердөө хэдхэн минутын дотор ширүүссэн тул хүмүүс аюулгүй газарт хүрч амжаагүй байжээ. Осол гарсан даруйд Хятадын онцгой байдлын алба, эрэн хайх аврах багууд газар дээр нь очиж, аврах ажиллагааг эхлүүлсэн байна. 80 гаруй хүнийг уснаас аварсан боловч хэд хэдэн хүн живж, амиа алдсан байдалтай олдсон байна.
Одоогоор ослын нарийн шалтгааныг тогтоохоор орон нутгийн захиргаа болон холбогдох албаныхан шалгалт явуулж байгаа бөгөөд аяллын завины аюулгүй байдал, цаг агаарын урьдчилсан мэдээлэл хангалтгүй байсан эсэхийг тодруулах ажил үргэлжилж байгаа аж.
Эх сурвалж: Associated Press
