Баянхонгор аймгийн Шинэжинст сумын түүхт 70 жилийн ойд зориулсан улс, аймаг, цэргийн цолтой 128 бөхийн барилдаанд Дундговь аймгийн Эрдэнэдалай сумын харьяат, "Алдар" спорт хороо, ЗХ-034 анги, АПУ ХК-ийн бөх, аймгийн хурц арслан Нямсүрэнгийн Амгаланбаатар түрүүлж, Ховд аймгийн Мөст сумын харьяат, "Алдар" спорт хороо, ЗХ-034 анги, Тайж групп, Скайтел групп, "Ховд" дэвжээний бөх, аймгийн арслан Мягмардоржийн Баяржавхлан үзүүрлэв.
Их шөвөгт Архангай аймгийн Тариат сумын харьяат, ЗХ-013 анги, Очирням ХХК, Хүннү Шоес ХХК, Херо Холдинг ХХК, "Бөхбилэгт" дэвжээний бөх, аймгийн арслан Ө.Батсуурь, Увс аймгийн Түргэн сумын харъяат, "Алдар" спорт хороо, ЗХ-326 анги, Билгүүн Групп, Увснуур дэвжээний бөх, аймгийн арслан Б.Цагаанбанди нар шалгарлаа. Дунд шөвөгт улсын арслан Р.Пүрэвдагва, улсын өсөх идэр начин Н.Мустафа, аймгийн арслан Б.Баянсүх, аймгийн арслан Б.Бат-Эрдэнэ нар үлдэв. Харин өнөөдөр буюу хоёрдугаар сарын 08-ны 11:00 цагаас Их Монгол Хасын Шаравжамц аваргын мэндэлсний 150 жилийн ой, сар шинийн сорилго Улс, аймаг, цэргийн цолтой 256 бөхийн барилдаантай.
