Онцгой байдлын ерөнхий газараас мэдээлснээр Сэлэнгэ аймгийн Ерөө сумын “Дунд цухлаг” гэдэг газарт ойн гал түймэр гарчээ. Тус дуудлагыг тавдугаар сарын 15-ны өдрийн 12:30 цагт хүлээн авсан байна.
Түймэр гарсан газар нь аймгийн төвөөс зүүн зүгт 308 км, сумын төвөөс зүүн зүгт 210 км-ийн зайд байрлаж байгаа аж. Ойн гал түймрийг унтраахаар Үндэсний аврах бригад, Уул уурхайн аврах 09 дүгээр анги, Нийслэлийн Онцгой байдлын газар-ын Налайх дүүрэг дэх 28 дугаар ангийн нийт 35 алба хаагч дөрвөн бүлэгт хуваагдан ажиллаж байна.
