"Ормузын хоолойг бүрэн нээж, нэвтрэхэд бэлэн болсон" гэж АНУ-ын Ерөнхийлөгч Д.Трамп Бямба гараг /2026.04.18/-т мэдэгдсэн ч, удалгүй Ираны арми тус хоолойг дахин хааж, хяналтаа тогтоосон гэж мэдэгдсэн юм.
Тэгвэл АНУ-ын Ерөнхийлөгч Д.Трамп, "Ираны цахилгаан станц, бүх гүүрийг устгана" гэж мэдэгдлээ.
Тодруулбал, тэрээр мэдэгдэлдээ "Иран өчигдөр Ормузын хоолойд буудлага хийсэн. Энэ нь манай гал зогсоох гэрээг бүрэн зөрчсөн хэрэг. Тэдний ихэнх нь Францын хөлөг онгоц болон Их Британийн ачааны усан онгоц руу чиглэсэн. Энэ сайхан хэрэг биш биз дээ? Миний төлөөлөгчид Пакистаны Исламабад хот руу явж байна. Тэд маргааш орой тэнд хэлэлцээ хийхээр очно. Иран саяхан хоолойг хааж байгаагаа зарласан нь сонин, учир нь манайх аль хэдийн хаачихсан байгаа. Тэд өөрсдөө мэдэлгүй бидэнд тусалж байна. Харин хаагдсан гарцын улмаас өдөрт 500 сая долларын алдагдлыг тэд өөрсдөө хүлээж байна.
АНУ юу ч алдахгүй. Үнэндээ олон хөлөг онгоц яг одоо АНУ-ын Техас, Луизиана, Аляска руу ачаа ачихаар чиглэж байна. Ираны Исламын хувьсгалт харуулын корпус /IRGC/ "хатуу залуу" болох гэсэн оролдлогын ачаар! Бид маш шударга, боломжийн ХЭЛЭЛЦЭЭ санал болгож байгаа. Тэд үүнийг хүлээн авна гэж найдаж байна, хэрэв үгүй бол АНУ Ираны бүх цахилгаан станц, бүх гүүрийг устгана. Одоо сайн залуу байхгүй! Тэд хурдан, амархан бууж өгнө. Хэрэв хэлэлцээг хүлээж авахгүй бол хийх ёстой зүйлээ хийх нь миний нэр төрийн хэрэг болно. Үүнийг өнгөрсөн 47 жилийн турш өмнөх Ерөнхийлөгчид хийх ёстой байсан. Ираны хүн алагч машиныг зогсоох цаг болсон! Ерөнхийлөгч Дональд Ж.Трамп" гэжээ.
"...We’re offering a very fair and reasonable DEAL, and I hope they take it because, if they don’t, the United States is going to knock out every single Power Plant, and every single Bridge, in Iran. NO MORE MR. NICE GUY..." - President Donald J. Trump pic.twitter.com/L4wQMJfGE6
— The White House (@WhiteHouse) April 19, 2026
