Өмнөговь аймгийн Засаг даргын "Өсөлттэй Өмнөговь" хөтөлбөрийн хүрээнд Монгол Улсын Хөдөлмөрийн баатар, МУСГЗ, хөгжмийн зэмсэг урлаач П.Байгалжавын нэрэмжит “Эгшиглэнт хуур” морин хуурчдын Улсын уралдаан Өмнөговь аймгийн Цогт-Овоо суманд хоёр өдрийн турш амжилттай зохион байгуулагдлаа.
Энэхүү уралдаан нь улсын хэмжээнд хоёр дахь удаагаа, бүсийн хэмжээнд долоо дахь удаагаа, Өмнөговь аймгийн Цогт-Овоо суманд анх удаа зохион байгуулагдсан билээ. Тус уралдаанд Улаанбаатар хотоос тав, Увс аймгаас нэг, Говь-Алтай аймгаас нэг, Өвөрхангай аймгаас нэг, Сүхбаатар аймгаас нэг, Дорноговь аймгаас хоёр, Өмнөговь аймгийн Даланзадгад хотоос нэг, Өмнөговь аймгийн Ханхонгор сумаас нэг, Өмнөговь аймгийн Цогт-Овоо сумаас нэг нийтдээ 19 сургалтын төвийн 137 оролцогч ур чадвараараа өрсөлдөн шилдгүүдээ тодрууллаа.
.jpg)
