Өнөөдөр, маргааш нутгийн зүүн хэсгээр хүйтэн, салхи шуургатай байхыг анхааруулж байна.
Тодруулбал, маргааш буюу энэ сарын 23-нд Монгол-Алтайн уулархаг нутгаар, энэ сарын 24-нд баруун аймгуудын ихэнх нутаг, төвийн аймгуудын нутгийн баруун хэсгээр, 25-нд нутгийн хойд хэсгээр, 26-нд баруун аймгуудын нутгийн хойд, төвийн аймгуудын нутгийн баруун болон хойд хэсгээр цас орж, цасан шуурга шуурна.
Салхи энэ сарын 23-нд тал хээрийн нутгаар, 24-нд нутгийн баруун хэсгээр, 25, 26-нд нутгийн зарим газраар секундэд 14-16 метр, нутгийн өмнөд хэсгээр шороон шуурга шуурна.
Увс нуур болон Дархадын хотгор, Завхан, Заг-Байдраг голын эх, Идэр, Тэс, Ерөө голын хөндийгөөр шөнөдөө -35...-40 градус, өдөртөө -21...-26 градус, Алтай, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -30...-35 градус, өдөртөө -16...-21 градус, говийн бүс нутгийн өмнөд хэсгээр шөнөдөө -13...-18 градус, өдөртөө -1...-6 градус, Хангайн нурууны өвөр бэл, говийн бүс нутгийн хойд хэсгээр шөнөдөө -18...-23 градус, өдөртөө -6...-11 градус, бусад нутгаар шөнөдөө -23...-28 градус, өдөртөө -11...-16 градус хүйтэн байна. Ирэх долоо хоногийн Мягмар гараг буюу энэ сарын 24-нд Хангайн нурууны өвөр бэл болон говийн бүс нутгаар өдөртөө дулаарна гэж Ус цаг уур орчны шинжилгээний газраас мэдээллээ.
