Өмнөговь аймгийн Хөгжимт Жүжгийн Театрын зохион байгуулж буй “Тэмээчид дуулж байна” дууны уралдаанд оролцохыг урьж байна.
Хамрах хүрээ: Орон нутгийн харьяалал үл харгалзан зөвхөн тэмээчин иргэд оролцоно.
Уралдааны зохион байгуулалт: Уралдааныг цахим болон танхим гэсэн хоёр үе шаттайгаар зохион байгуулна.
I шат – Цахим (урьдчилсан шалгаруулалт)
- Дууны сэдэв, төрөл харгалзахгүй.
- Оролцогч нь өөрийн нэг дуучлалын бичлэгийг урьдчилан бэлтгэнэ.
- Бичлэгийг 2026 оны 02 дугаар сарын 02-ны 18:00 цаг хүртэл [email protected] хаягаар ирүүлнэ.
- Ирүүлсэн бичлэгийг мэргэжлийн шүүгчид үнэлж, хамгийн өндөр оноо авсан 15 тэмээчнийг II шатанд оролцуулахаар шалгаруулна.
II шат – Танхимын шалгаруулалт
- I шатнаас шалгарсан 15 оролцогч нь өөр өөр 2 дуу бэлтгэн тайзан дээр дуулна.
- Дууны ая, фонограм зэрэг хэрэглэгдэхүүнийг оролцогч өөрөө бүрдүүлж ирнэ.
- Үзэгч, дэмжигчдийн дунд нийтийн бүжиг зохион байгуулж, шилдэг хосыг шалгаруулан урамшуулна.
Зохион байгуулах хугацаа, газар: Уралдааны II шат 2026 оны 02 дугаар сарын 06-ны өдөр 16:00 цагт “Гранд говь” жуулчны баазад болно. Мэдээлэл авах утас: 88020693
