Баянзүрх дүүргийн 11 дүгээр хороо, Хонхорын задгайд гэр шатаж байна гэсэн дуудлагыг нэгдүгээр сарын 14-ний өдрийн 12:33 цагт Онцгой байдлын газарт иржээ.
Дуудлагын дагуу Налайх дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчдыг очсон байна. Иргэн Э-гийн таван ханатай гэр, “Mitsubishi triton” загварын суудлын автомашин шатаж байсныг ажиллаж унтраажээ. Уг гал түймэрт иргэн Г /58 настай, эмэгтэй/ өртөж нас барсан байсныг Баянзүрх дүүргийн Цагдаагийн 3 дугаар хэлтэст шилжүүлэн өгсөн байна. Иргэн Э /58 настай, эрэгтэй/, М /30 настай, эрэгтэй/ нар түлэгдэж, бэртсэн байсныг Налайх дүүргийн Яаралтай түргэн тусламжийн их эмчид хүлээлгэн өгчээ.
