Ирэх долоо хоногт УИХ-ын байнгын хороо, чуулганы хуралдаанаар хэлэлцэх асуудлын товыг тогтоожээ.
Хуваарийн дагуу маргааш намын бүлэг, мягмар, лхагва гарагт байнгын хороо хуралдах бол пүрэв, баасан гарагт чуулганы хуралдаантай. Энэ долоо хоногийн чуулганы хуралдаанаар Засгийн газраас өргөн мэдүүлсэн Гэр бүлийн тухай хуулийн шинэчилсэн найруулга болон хамт өргөн мэдүүлсэн хуулийн төслийг хэлэлцэх эсэхийг хэлэлцэх аж. Эл хуулийг дагалдуулан Зөрчлийн хуульд өөрчлөлт оруулж байгаа бөгөөд гэр бүлээс гадуурх харилцаа үүсгэсэн буруутанг торгох зэрэг арга хэмжээг авах юм.
Хуулийн талаарх мэдээллийг ЭНД дарж уншина уу. Мөн Засгийн газраас өргөн мэдүүлсэн Монгол Улс болон Евразийн эдийн засгийн холбоо, түүний гишүүн орнууд хоорондын худалдааны түр хэлэлцээрийг соёрхон батлах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж эхлэх аж. Ерөнхий сайд Г.Занданшатар энэ сарын 20-ны үеэр Москва хотноо айлчилж, тус улсын ерөнхийлөгч В.Путинтэй уулзахдаа "Евразийн эдийн засгийн холбоонд элсэх асуудлыг яаравчлуулна" гэх амлалтыг өгөөд ирсэн байдаг. Гэвч уг асуудал нь өнгөрсөн оны дөрөвдүгээр сарын 16-ны өдөр Эдийн засгийн байнгын хорооны хуралдаанаар хэлэлцсэн ч судалгаа сайн хийгдээгүй гэх шалтгаанаар хэлэлцэхээс татгалзаж, хойшлуулсан байдаг. Ирэх долоо хоногт УИХ-аар хэлэлцэх асуудлын дэлгэрэнгүйг ЭНД дарж харна уу.
