Өнгөрсөн амралтын өдөр нэгэн иргэн гар утсаа дээрэмдүүлсэн тул олж өгөхийг хүсэж, олон нийтэд хандаж, мэдээлэл хийсэн байдаг.
ВИДЕО:
Тодруулбал, нэр бүхий хаягнаас нэгэн хүү таблетаа зарахаар зар тавьж, улмаар худалдаж авах болсон иргэний машинд суухад 5 хүн хамт байсан бөгөөд хүүгийн толгойг цохиж, хутга тулган, таблет, утас зэргийг нь дээрэмдээд зугтсан тухай мэдээлсэн юм. Мөн тэрбээр утсаа зээлээр авсан бөгөөд зээл нь дуусаад дөнгөж нэг сар болж байсан. Өнчин өрөөсөн тул хандах хүн байхгүй байгаагаа илэрхийлээд олон нийтээс тусламж хүссэн юм. Улмаар уг мэдээллийн дагуу Сонгинохайрхан дүүргийн цагдаагийн газрын Хоёрдугаар хэлтэст бүртгэлд авч шалгалтын ажиллагаа явуулж байв.
Тэгвэл цахим орчинд мэдээлэл түгээсэн хүүг дээрэмдэж, зугтсан этгээдүүдийг цагдаагийн байгууллагаас олж тогтоон, хойшлуулшгүйгээр цагдан хорих таслан сэргийлэх арга хэмжээ авч, мөрдөн шалгах ажиллагааг үргэлжлүүлж байгаа аж.
