Таван шарын “Номин” агуулах худалдааны төвийн орчимд энэ сарын 27-ны /2025.08.27/ өдөр 10:00 цагийн үед приус маркийн авто машин вагонтой мөргөлдсөн осол гарсан билээ. Өмнөх мэдээллийг ЭНД ДАРЖ уншина уу.
Тэгвэл тухайн осолд өртсөн тээврийн хэрэгслийн жолооч гар утсаараа оролдож яваад ийнхүү осолдсон байна. Тодотговол, Сонгинохайрхан дүүргийн 24 хороо замд "Сэлгээний галт тэрэг саатуулсан байна" гэсэн дуудлага мэдээлэл наймдугаар сарын 27-ны 10:25 цагт Тээврийн цагдаагийн албанд бүртгэгджээ. Энэ дагуу шалгалтын ажиллагаа явуулахад Улаанбаатар төмөр замын Сонсголонгийн 2-р километрийн Номингийн гармаар сэлгээний 3006-р галт тэрэг явах үед 41 настай жолооч нь Toyota Prius-30 маркийн автомашиныг жолоодож яваад сэлгээний галт тэргэнд шүргүүлж галт тэргийг саатуулсан байжээ. Уг зөрчлийг өдгөө шалгах ажиллагаа үргэлжилж байгаа юм байна. Эх сурвалжийн мэдээлж буйгаар ослын улмаас хүн бэртэж гэмтээгүй бөгөөд жолооч нь "гар утсаар оролдож явсан" хэмээн мэдүүлжээ.
Иймд жолооч та бүхэн замын хөдөлгөөнд оролцох үедээ тээвюрийн хэрэгслийн бүрэн бүтэн байдлыг хангаж, анхаарал болгоомжтой байж, тээврийн хэрэгслийн хурдыг тогтоосон хэмжээнээс хэтрүүлэхгүй байх мөн суудлын бүсээ тогтмол зүүж өөрийн болон бусдын аюулгүй байдлыг ханган замын хөдөлгөөнд оролцохыг цагдаагийн байгууллагаас анхааруулж байна.
.jpg)
