Монголын хөнгөн атлетикийн холбоо, "Тал нутгийн марафон ТББ" хамтран марафон гүйлтийн тэмцээнийг уламжлал болгон зохион байгуулдаг билээ.
Энэ жил 28 дахь удаагаа зохион байгуулагдах "Тал нутгийн марафон - 2025" тэмцээн Хүй долоон худагт есдүгээр сарын 14-ний өдөр болно. Марафонд 18 насны эрэгтэй, эмэгтэй 10 км болон 21 км-ийн марафонд уралдана. Харин 15-17 насны хүүхдүүд 5 км, 14 насны өсвөрийн тамирчид болон хөгжлийн бэрхшээлтэй тамирчид, мөн 50-иас дээш насны ахмад тамирчид 3 км-ийн зайд уралдана.
