БХЯ-ны сайд Д.Батлутын хүсэлтийн дагуу Саудын Арабын хаант улсад үйлдвэрлэгдсэн могойн хорны эсрэг ийлдэсийг Катар улсын цэргүүд өгсөнг өнөөдөр ЭМЯ -нд хүлээлгэн өглөө.
Батлан хамгаалах яам, Зэвсэгт хүчний Жанжин штабын гадаад хамтын ажиллагааны хүрээнд хуурай газрын зургаан төрлийн могойн хорыг саармагжуулах үйлчилгээтэй ийлдсийн нөөц бүрдүүлж ажилласанд Эрүүл мэндийн сайд Ж.Чинбүрэн талархал илэрхийлэв. Монгол Улсад жилд дунджаар 50-60 хүн могойд хатгуулж эмнэлэгт ханддаг. Хор саармагжуулах эмийн ийлдэс нь зүслэг хийх шаардлагагүйгээр хорыг саармагжуулах зориулалттай ба цаг хугацаа алдаж мэс заслын аргаар эмчлүүлэхээс сэргийлнэ. Намрын улиралд самар, жимс түүхээр явахдаа иргэд та бүхэн могойд хазуулахаас сэрэмжтэй байхыг анхааруулж байна.
.jpg)
.jpg)
