“Монголын Үндэсний шагайн харваа”-ны хамт олноос нийт 16 сая төгрөгийн хандивыг өнөөдөр Улсын онцгой комисст хүлээлгэн өглөө.
Тус холбооноос гишүүдийнхээ дунд хандивын аяныг өрнүүлэхэд аймаг, орон нутгийн болоод гадаадад суугаа харваачдаас сэтгэлийн хандивыг ирүүлсэн байна.
Мөн “Ахмадын харваачдын шагайн холбоо”-ноос нийт гишүүдийн хандив болох 900 мянган төгрөгийг Улсын Онцгой комисст хүлээлгэн өгч, хандивын аянд нэгдлээ гэж Онцгой байдлын ерөнхий газраас мэдээллээ.
