Шинэ төрлийн корона вирусийн халдварын тархалтаас урьдчилан сэргийлэх хүрээнд Монгол Улсаас эхлэлтэй олон улсын бүх нислэгийг түр зогсоосон. Харин Улаанбаатар-Сөүл, Улаанбаатар-Москва-Берлин Улаанбаатар-Япон чиглэлийн тусгай чиглэлийн нислэгүүд үйлдэж иргэдээс авчирч байгаа юм.
Анх тус мэдээлэл гарсаны дараа Ерөнхийлөгч асан Ц.Элбэгдорж өөрийн твиттер хуудастаа “"Нэн шаардлагатай иргэд" гэдэгт миний бие багтана гэж итгэе. Зарим хурал уулзалт цуцлагдаж, хойшилж бас ажил цэгцэрч байна” гэж мэдэгдсэн.
Тэгвэл өнөөдөр тэрээр өөрийн твиттер хуудастаа “Хаа сайгүй хөл хорио. Цаас үзэг нийлүүлэх л ажил үлдэх нь. Тулгаатайгаа зам нийлж салж яваагаа бичлээ. Яаж баяжив чи гэж их дайрах юм. Чадлаараа л хариулж байна. Яавал Монгол их болох, ирэх сонгуулиар иргэд, сонгогчид нэр дэвшигчдээс юу нэхвэл зохих. Иймэрхүү сэдэв эргэлүүлээд л” гэжээ. Харин түүний энэхүү мэдээллийг зарим иргэд “одоогийн Ерөнхийлөгч Х.Баттулгатай Ц.Элбэгдорж холбоо тогтоож, ярилцаж байна уу!” гэжээ. Учир нь Ерөнхийлөгч Х.Баттулгыг зарим улс төрийн хүрээний хүмүүс “Тулгаа” гэж дууддаг байна.
Хаа сайгүй хөл хорио. Цаас үзэг нийлүүлэх л ажил үлдэх нь. Тулгаатайгаа зам нийлж салж яваагаа бичлээ. Яаж баяжив чи гэж их дайрах юм. Чадлаараа л хариулж байна. Яавал Монгол их болох, ирэх сонгуулиар иргэд, сонгогчид нэр дэвшигчдээс юу нэхвэл зохих. Иймэрхүү сэдэв эргэлүүлээд л.
— Цахиагийн ЭЛБЭГДОРЖ (@elbegdorj) March 15, 2020
