Төрийн банк Дундаж давхаргыг дэмжигч банк байх мөн Ногоон хөгжилд түүчээлж ажиллах зорилтын хүрээнд Инкубатор төвөөрөө дамжуулан жижиг, дунд бизнес эрхлэгчдэд зориулсан “Тогтвортой өсөлт 2025” цогц хөтөлбөрийг жилийн хугацаанд 5 үе шаттайгаар хэрэгжүүлэхээр Санхүүгийн удирдлага, Байгаль орчинд ээлтэй бүтээгдэхүүн хөгжүүлэлт хөтөлбөрөөр энэхүү цогц ажлаа эхлүүлээд байна.
Тус хөтөлбөрт хамрагдсан жижиг дунд бизнес эрхлэгчид Бизнесийн стратеги төлөвлөлт, Тогтвортой хөгжил ба ногоон маркетинг, Санхүүгийн удирдлага ба процессын үр ашгийг нэмэгдүүлэх, Хүний нөөцийн менежмент зэрэг бизнес эрхлэгчдийн зайлшгүй мэдвэл зохих сэдвийн хүрээнд 1 сарын турш үргэлжлэх цогц сургалтыг авах юм. Улмаар сургалтад хамрагдсан иргэд Төрийн банкны Инкубатор төвийн харилцагч болж, хөнгөлөлттэй нөхцөлтэй зээлүүд болох өрхийн бизнесийн, гарааны бизнесийн зээлд хамрагдах боломжтой. Мөн шаардлага хангасан бизнес эрхлэгчдийг Олон Улсын үзэсгэлэн худалдаанд оролцоход дэмжлэг үзүүлэхээрээ онцлог юм. Үүнээс гадна Төрийн банкнаас ЖДҮ, бизнес эрхлэгчдээ бойжуулан, үйл ажиллагаагаа өргөжүүлэхэд дэмжлэг үзүүлэх, тогтвортой байдлыг хадгалах тал дээр анхаарал хандуулан олон төрлийн төсөл хөтөлбөрүүдийг хэрэгжүүлэн ажиллаж байна.
ИТГЭЛ ТӨГС НОГООН ИРЭЭДҮЙ ТӨРИЙН БАНК
