Улаанбаатар хотын замын түгжрэлийг бууруулах чиглэлээр 2025 оны нэгдүгээр сарын 1-нээс нийслэл дэх автомашины татварыг 2-3, замын татварыг тав дахин нэмсэн билээ.
Тэгвэл D-Өргөдөл цахим хуудаст иргэн Э.Батбаяр санаачлан "Улаанбаатар хотын тээврийн хэрэгслийн татварын нэмэгдлийг цуцлах" талаар иргэдээс санал авч эхэлсэн билээ. 2025.04.25-ны өдрийг хүртэл үргэлжлэх энэхүү санал асуулгад өнөөдрийн /2025.03.31/ байдлаар 19151 гарын үсэг зурж дэмжсэн байна. Энэхүү саналыг 33000 хүн дэмжвэл ажлын хэсэг байгуулах, 100 мянган хүн дэмжвэл хуулийн төсөл санаачлах боломжтой юм.
