Цахим сүлжээнд Бөмбөгөр худалдааны төвийн эсрэг талд байх байшин шатаж байна гэх бичлэг цацагдаад буй.
ВИДЕО:
Тэгвэл тус гал түймрийн талаар Нийслэлийн онцгой байдлын газраас тодруулахад "Баянгол дүүргийн 16 дугаар хороонд байшин шатаж байна гэсэн дуудлага өнөөдөр /2025.03.25/-ны 08:36 цагт Нийслэлийн онцгой байдлын газарт иржээ.
Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн бүрэлдэхүүнийг очиход 4*5 хэмжээтэй 2 давхар мансаардтай байшин, 4*7 хэмжээтэй 1 давхар байшин бүрэн шатаж байсан байна. Алба хаагчид гал түймрийн тархалтыг 08:48 цагт зогсоожээ. Өдгөө галыг бүрэн унтраахаар ажиллаж байгаа юм байна.