УИХ-ын гишүүн, Монгол Улсын сайд Э.Одбаяр өчигдөр /2025.03.22/ Баян-Өлгий аймагт ажиллажээ.
Энэ үеэр УИХ-ын гишүүн Э.Одбаяр ярихдаа, "2024 оны сонгуулийн үр дүнд байгуулагдсан хамтарсан Засгийн газрын үйл ажиллагааны хөтөлбөрт баруун бүс нутагт дэд бүтэц, аялал жуулчлал, тээвэр логистикийн салбарын хөрөнгө оруулалт, бүтээн байгуулалтыг эрчимжүүлэхээр тусгаж, баруун бүсийг “Эрчим хүчний төрөлжсөн, байгалийн аялал жуулчлалын дэд бүс” болгон хөгжүүлэхээр төлөвлөж байна.
Энэ хүрээнд Асгатын мөнгөний ордыг эдийн засгийн эргэлтэд оруулах асуудлыг судлах, Цагааннуур боомтын хүчин чадлыг нэмэгдүүлэх, Даянгийн боомтыг байнгын ажиллагаатай болгох, Алтай таван богдыг түшиглэсэн аялал жуулчлалын дэд бүтцийн бүтээн байгуулалтуудыг эрчимжүүлэх шийдвэрүүдийг гаргаж, өнгөрсөн хугацаанд бид хамтдаа олон ажлыг үр дүнд хүргэнэ.
Мөн баруун бүсийн зөвлөлийн анхдугаар хуралдааныг ирэх зургаадугаар сард Баян-Өлгий аймагт зохион байгуулж, баруун бүсийн 2040 он хүртэлх хөгжлийн ерөнхий төлөвлөгөөг хамтдаа хэлэлцэх болно" гэсэн юм.
