Сөүлийн шүүхээс Мягмар гаригт /2024.12.24/ огцруулсан ерөнхийлөгч Юн Сук Ёлыг дайны онцгой байдал тогтоосон хэргээр баривчлах захирамж гаргасан байна. Энэ нь түүнийг баривчлах ялтай Солонгосын анхны ерөнхийлөгч боллоо.
Сөүл хотын баруун дүүргийн шүүх арванхоёрдугаар сарын 3-нд болсон дайны онц байдал зарлах ажиллагааг эхлүүлсэн, бослогыг зохион байгуулсан, эрх мэдлээ урвуулан ашигласан хэргээр Юныг яллах Авлигатай тэмцэх газрын (CIO) хүсэлтийг зөвшөөрсөн байна. Мөн шүүхээс мөрдөн байцаалтын ажиллагаатай холбогдуулан Сөүл хотын Ёнсан дахь Юны ерөнхийлөгчийн ордонд нэгжлэг хийх зөвшөөрөл олгожээ.
Богино хугацаанд үргэлжилсэн дайны онц байдал зарласан дэглэмтэй холбогдуулан байцаалт өгөхийг тушаасан гурван удаагийн дуудлагыг Юн үл тоомсорлосон учир “CIO” цагдан хорих захирамж гаргажээ. Тун удахгүй “CIO”-гийн албан тушаалтнууд ерөнхийлөгчийн ордонд очиж, тушаалыг биелүүлэх төлөвтэй байна. Баривчлах тогтоол нь ихэвчлэн долоо хоног хүчинтэй байдаг.
Юныг баривчлах хүсэлт батлагдсаны дараа “CIO” түүнийг 48 цагийн дотор баривчлаж, байцаалт авах эсвэл суллах эсэхийг шийдэх ёстой юм.
