Өнгөрсөн 2019 оны дөрөвдүгээр сард “Тод каннам” эмнэлгээр үйлчлүүлсэн 29 настай эмэгтэй хагалгааны улмаас амиа алдсан харамсалтай хэрэг гарсан. Уг хэргийн шүүх хурал өнөөдөр /2020.03.02/12.00 цагт Хан-Уул дүүргийн Эрүүгийн хэргийн анхан шатны шүүхэд товлогдсон байна.
Тодруулбал, Хан-Уул дүүргийн прокурорын газраас яллах дүгнэлт үйлдэж ирүүлсэн Д.Тодномбат нарт холбогдох Эрүүгийн хуулийн тусгай ангийн 10.6 дугаар зүйлийн 1 дэх хэсгийн “хүний амь насыг болгоомжгүйгээр хохироох” гэсэн заалтаар шүүх юм.
“Тод каннам” эмнэлэг нь гоо сайхны мэс засал хийх тусгай зөвшөөрөлгүй, мөн эмч нь тусгай эрхгүй байсныг НМХГ-аас тухайн үед мэдээлж байсан билээ.
