ХӨСҮТ-өөс өнөөдөр /2024.12.02/-ий өдөр томуу, томуу төст өвчний нөхцөл байдлын талаар мэдээлэл хийлээ.
Тодруулбал нийслэлийн дүүргийн эрүүл мэндийн төвүүд өнгөрсөн долоо хоногт амбулаторийн 1200 үзлэг хийгдсэн байна. Уг үзлэгээс 7.2 хувийг томуу томуу мөст өвчин эзэлж байгаа бөгөөд үүнээс 86 хувийг бага насны хүүхдүүд эзэлж байгаа юм. Мөн түргэн тусламжийн дуудлага өнгөрсөн долоо хоногт 10900 ирснээс 13,9 хувийг томуу төст өвчин эзэлж буй бөгөөд , хэвтэн эмчлүүлж 1311 иргэнээс 87 хувийг томуу томуу төст өвчин эзэлж байгаа аж.
Мөн томуугийн дэгдэлт нийслэлийн хэмжээнд алаг цоо хэлбэртэй байгаа бөгөөд хэвтэн эмчлүүлж байгаа хүүхдүүд нэмэгдэж байгаа юм. Түүнчлэн нэг хүн найтаах үед долоон метрийн зайнд 40 мянга гаруй томуугийн вирус тархдаг учир иргэд олон нийтийн газраар явахдаа амны хаалтаа зүүж өөрийгөө болон бусдыг томуугаар өвчлөхөөс урьдчилан сэргийлээхийг хүслээ. Харин томуугийн дэгдэлтийг таван түвшинд авч үздэг бөгөөд одоо улбар шар буюу алаг цоо дэгдэлттэй байна.
Мөн 15 нас хүртэлх хүүхдийг эцэг эх асран хамгаалагчид нь ханиад томуу хүрсэн тохиолдолд сургууль цэцэрлэгт явуулахгүй байх, эмнэлгийн байгууллагат хандаж тохирох эмчилгээг хийх хэрэгтэй. Иргэд таваас доош насны хүүхдийг ханиад томуу туссан үед эмнэлэгт үзүүлж эмчлүүлдэг. Харин сургуулийн насны хүүхдүүдээ эм өгчхөөд хичээлд нь явуулчихдаг. Энэ нь танай хүүхдийн ханиад нь хүндрэх нөгөө талаараа тухайн ангид байгаа бүх хүүхдийг томуугийн өвчлөлд өртөх эрсдэлийг бий болгож байгаа юм. Түүнчлэн томуугийн шинж тэмдэг илэрснээс хойш дор хаяж долоо хоногийн дараа амны хаалт зүүлгэж хичээлд нь явуулахыг хүсэж байна. Учир нь хамгийн их халдвартай үе нь эхний өдрүүд байдаг. Мөн 5-14 насны хүүхдүүд ханиад хүндэрч хатгаа болж эмнэлэгт хэвтэх тохиолдол их байна. Үүнээс үзвэл энэ насны хүүхдүүдээ эцэг эхчүүд анхаарч эмчлэхгүй байсаар хүндрүүлж байна гэсэн үг. Иймд иргэд та бүхнийг дархлаагаа дэмжиж халуун бүлээн зүйл тогтмол ууж дасгал хөдөлгөөнийг идэвхийлэн дулаан хувцас өмсөхийг зөвлөлөө.
Түүнчлэн халуун бүлээн шингэн зүйлс уух нь хүйтэн шингэн зүйл уудаг хүнийг бодоход амьсгалын замын өвчлөлөөр өвдөх эрсдэл хоёр дахин бага байдаг.
