Боловсрол, шинжлэх ухааны яамны мэргэжилтнүүд болон БШУ-ы сайд П.Наранбаяр багшлах эрхийн 45 хоногийн сургалттай холбогдуулан өнөөдөр /2024.09.16/ мэдээлэл хийлээ.
БШУ-ы сайд П.Наранбаяр, "Монголд 4200 орчим багшийн сул орон тоо байна. Багшийн дутагдлыг богино хугацаанд хурдтай шийдвэрлэх хэрэгтэй байгаа учраас мэргэжилтгнүүдийг 45 хоногийн сургалтанд суулгаж, багшлах эрхийн үнэмлэх олгоно. Энэ бол үндсэн багш бус багшлах эрхийн үнэмлэх. Багшлаад цаашдаа үндсэн багш больё гэвэл тусгай шаардлага тавьж эхэлнэ.
Мөн багш нарын дунд ур чадварын дутагдал их байна. Тийм учраас мэргэжилдээ сайн л бол гэрээт багшаар сургуульд багшлахыг уриалж байгаа юм.
Түүнчлэн багшийн ачааллыг бууруулах хэрэгтэй байна. Багшийн ачаалал буурч байж л чанар гэдэг зүйл гарч ирнэ. Энэ жилээс эхлэн 44 хүүхдээс дээш хүүхэдтэй бүх ангид туслах багшийг оруулж ирж байгаа. Энэ бол олон цогц арга хэмжээний зөвхөн нэг хэсэг. Мөн цалин өсгөх бодлогыг баримтална" гэлээ.
Харин энэ үеэр А.Отгонбаатар “Та гурван намын янханчлал дор сайд болчихоод багш нарынхаа цалинг нэмье гэж Оюун-Эрдэнэд хэлж чадахгүй байна. Улс орныг сүйрүүл гэвэл боловсролын салбарыг нь сүйрүүл гэж хэлдэг юм. 45 хоногийн курсээр багш бэлдэх гэж байгаа чинь боловсролын чанарыг нэмэгдүүлж байгаа асуудал юм уу” гээд барьж байсан зүйлээ П.Наранбаяр сайдын нүүр рүү шиджээ. Ингээд зогсохгүй сайдын хамт мэдээлэл хийж байсан хүмүүстэй зодолдсон түүнийг төрийн тусгай хамгаалалтын ажилтнууд хүчээр гаргасан байна.
ҮЗЭХ:
