УИХ-ын гишүүн М.Нарантуяа-Нара Иргэний Зориг Ногоон Намаас санхүүгийн тайланг намынхаа гишүүдэд өгөхгүй байгаа талаар мэдээллээ.
Тэрбээр өөрийн цахим хуудсаараа дамжуулан, "Иргэний Зориг Ногоон Нам, Батын Батбаатар яагаад санхүү тайлангаа намынхаа гишүүдэд өгөхгүй байгаа юм бэ. Яагаад нийт гишүүддээ хурлаар тайлагнаж танилцуулсан гэх санхүү тайлангаа надад өгч болдоггүй билээ. Би энэ намд зориулсан мөнгө санхүүгээ юу юунд хэрхэн яаж зарцуулсныг мэдэх эрхтэй биш үү. Нам дотроо булхай булзаатай байж нийгэмд сайн сайхныг тогтоох гээд байгаа юм бэ" гэжээ.
