УИХ-ын чуулганы өнөөдрийн /2024.08.30/ ээлжит бус хуралдааны өмнө УИХ-ын дарга Д.Амарбаясгалан паралимпын аварга У.Сүрэнжавт чуулганы индэрээс нийт УИХ-ын гишүүдийнхээ өмнөөс баяр хүргэлээ.
"Өнөөдөр өглөө Парис-2024” паралимпын наадмын К44 ангилал таеквондогийн 52 кг-ын жинд Монгол Улсын тамирчин ОУХМ Уламбаярын Сүрэнжав алтан медаль хүртлээ. Монгол улс түүхэндээ анх удаа таеквондогийн төрлөөр паралимпын аваргатай боллоо. У.Сүрэнжав нь 2023 оны ДАШТ-ий хүрэл, Азийн АШТ-ий алт, хүрэл медальтай, “Ханжоу-2023” Азийн наадмын мөнгөн медальт тамирчин юм. Паралимпын наадмын анхны эмэгтэй аварга У.Сүрэнжав танд Монгол Улсын Их Хурлын гишүүд, Монголын нийт ард түмнээс халуун баяр хүргэж спортын өндөр амжилтыг хүсье" гэлээ.
ВИДЕО:
