Засгийн газар өнөөдөр 16.00 цагт ээлжит бусаар хуралдана. Хуралдаанаар Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай, Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төсөл болон эдгээртэй холбогдуулан боловсруулсан бусад хууль тогтоомжийн төсөл зэргийг хэлэлцэх юм. Дээрх асуудлуудаар нэгдсэн байр суурьт хүрсний дараа УИХ-д өргөн барихаар бэлтгэж байгаа аж.
