Цэцэрлэгийн бүртгэл эхэлснээс хойш нэг өдрийн дотор 49 мянган хүүхэд бүртгүүлжээ

Цэцэрлэгийн бүртгэл эхэлснээс хойш нэг өдрийн дотор 49 мянган хүүхэд бүртгүүлжээ

2023-2024 оны хичээлийн жилд улсын хэмжээнд 1410 цэцэрлэг үйл ажиллагаа явуулж, 274 мянга гаруй хүүхэд цэцэрлэгт суралцсан. 2024-2025 оны хичээлийн энэ жилд урьдчилсан байдлаар нийслэлд цэцэрлэгийн насны 142150 хүүхэд байгаагаас 2 настай 30894 хүүхэд байна.

Нийслэлийн цэцэрлэгийн бүртгэлийг  төрийн үйлчилгээний нэгдсэн систем E-Mongolia-аар дамжуулан өчигдрөөс /2024.08.01/ хүлээн авч эхэлсэн. Тэгвэл нийслэлийн цэцэрлэгүүдэд өчигдөр буюу ганцхан өдөр 49.736 хүүхэд бүртгүүлжээ. Сонирхуулахад, Цэцэрлэгийн бүртгэлийн хүсэлтийг наймдугаар сарын 01-ний өдрөөс 18-ний өдрүүдэд хүлээн авах бөгөөд хүсэлтийг зөвхөн цахимаар гаргах боломжтой юм.