Улсын их баяр наадмын амралт буюу 2024 оны долоодугаар сарын 10-15-ны өдрүүдэд агаарын тээврээр 53.801 зорчигч үйлчлүүлсэн талаар ЗТХЯ-наас мэдээлэв.
Тодруулбал, олон улсад 45.344, орон нутгийн нислэгээр 8.457 зорчигч үйлчлүүлсан бол олон улсад нийт 307 нислэг үйлдсэнээс МИАТ ТӨХК 21,535, Хүннү Эйр ХХК 3,470, Аэро Монголиа ХХК 2,089 зорчигчийг тээвэрлэсэн байна. Зам, тээврийн яам 2024 онд агаарын тээврээр 2 сая 200 мянган зорчигч тээвэрлэх зорилт дэвшүүлсэн. Үүнээс өнөөдрийн байдлаар 1 сая 51 мянган зорчигчийг тээвэрлээд байна.
