Коронавирусийн халдварын улмаас БНХАУ дахь Монгол иргэд нутаг буцах хүсэлт тавьсан. Эрээн хотод цугларсан 200 гаруй монгол иргэнийг автобусаар авчирсан ч БНХАУ онцгой дэглэм тогтоосон учраас өчигдөр(1.30) автобуснуудыг хил нэвтрүүлээгүй. Харин удаа дараа хүсэлт тавьсны эцэст өнөөдөр таван автобусаар иргэдээ авна гэдгээ ГХЯ-ны Консулын газрын дарга Л.Мөнхтүшиг мэдээлжээ.
Хил хамгаалах ерөнхий газрын мэдээллээр Замын-Үүдийн автозамын боомтоор зөвхөн сайжруулсан түлш үйлдвэрлэхэд шаардлагатай түүхий эд болон барилгын материал тээвэрлэсэн албан ёсны зөвшөөрөлтэй жолооч нарыг нэвтрүүлж байгаа юм байна.
БНХАУ-аас нийт 56 улс иргэдээ авахаар хүсэлт илгээснээс өнөөдрийн байдлаар гурван улс иргэдээ авсан. Манай улс ч мөн Ухань хотод байгаа 31 иргэнээ авчрахаар БНХАУ-руу хүсэлт илгээсэн ч одоогоор нислэгийн зөвшөөрөл хүлээж байна.
