Сагсан бөмбөгийн 3х3 төрлийн насанд хүрэгчдийн долоо дахь удаагийн Азийн аварга шалгаруулах тэмцээн энэ сарын 27-нд Сингапурт эхэлсэн. Манай улсын эмэгтэйчүүд “С” хэсэгт багтсан бөгөөд эхний тоглолтоо өнгөрсөн баасан гарагт Малайзын эсрэг хийж 21:4-өөр илүүрхэн ялалт байгуулсан. Мөн өчигдөр 18:30 цагт Филиппинтэй тоглон "FIBA 3x3 Asian Cup 2024" тэмцээний шилдэг наймд шалгараад байсан юм.
Тэгвэл өнөөдөр 11:00 цагт дэлхийд нэгдүгээрт эрэмблэгддэг БНХАУ-ын эмэгтэйчүүдийн шигшээ багийг хожсоноор "FIBA 3x3 Asian Cup 2024" тэмцээний шилдэг дөрөвт шалгаран үлдээд байна.
