Өнгөрөгч Лхагва гараг /2023.12.05/-т BBC агентлагийн ахлах хөтлөгчдийн нэг Мэриам Мошири үд дундын мэдээний цагаар дунд хуруугаа гаргаж, хөмсгөө өргөсөн байдалтай харагдсан байна. Харин тэрбээр дараа нь гараа хурдан буулгаж, нүүр царайгаа хэвийн болгож мэдээгээ нухацтай, тайван байдлаар уншиж эхэлсэн байна.
Харин тэрбээр лхагва гарагт болсон шууд нэвтрүүлгийн үеэр гаргасан үйлдэлдээ уучлалт гуйж, хуруугаараа тоолж байгаа дүр эсгэж, багийнхантайгаа наргиан хийсэн гэж тайлбарлажээ. Тодруулбал, дунд хуруу гаргасан нь шууд нэвтрүүлэгт зориулагдаагүй, найз нөхөддөө зориулсан "тэнэг хошигнол" хийсэндээ уучлалт гуйж байна гэж өөрийн твиттер хуудастаа бичжээ.
Эх сурвалж: theguardian.com
