Энэ долоо хоногийн Мягмар гарагт Иракийн нийслэл Багдад хот дахь АНУ-ын элчин сайдын яамны байр руу Ираны талыг баримтлагчид дайран орж, үйл ажиллагааг нь зогсоосон юм. Энэ үеэр элчин сайдын яамны хамгаалалтыг хариуцдаг Иракын цэргүүд жагсагчдад эсэргүүцэл үзүүлэлгүй хашаа руу нэвтрүүлсэн байдаг.
-АНУ-ААС ЭЛЧИН САЙДЫН ЯАМЫГ ХАМГААЛАХ 750 ЦЭРЭГ ИЛГЭЭНЭ-
Харин тус бослогын талаар Хашед зэвсэгт бүлэглэл “Бид АНУ-ын элчин сайдын яаманд анх удаа нэвтэрч, том ялалт байгууллаа. Та бүхний дуу хоолойг Америкчууд сонссон. Одоо бид Иракаас АНУ-ын цэргийг гаргах шийдвэр гаргуулахын тулд парламенттай тэмцэх ёстой” гэж мэдэгджээ. Харин АНУ-ын ерөнхийлөгч Д.Трамп АНУ-ын элчин сайдын яамны байр руу жагсагчид нэвтэрсэн явдалд Ираныг буруутгасан мэдэгдэл хийсэн.
Тэрээр “Тэд үүнийхээ төлөө их үнэ төлөх болно. Энэ бол анхааруулга биш, энэ бол аюул занал” гэж тэр твиттер хуудастаа бичжээ.
Харин АНУ-ын батлан хамгаалахын сайд М.Эспер ойрын үед Багдад дахь АНУ-ын элчин сайдын яамны хамгаалалтыг нэмэгдүүлж 750 цэрэг нэмж илгээнэ гэж мэдэгджээ.
-ИРАНЫ ШАШИНЫ ТЭРГҮҮН АНУ-ААС ӨШӨӨ АВАХАА АМЛАВ-
АНУ-ын элчин сайдын яамны байранд Ираны талыг баримтлагчид дайран орсон явдлыг генерал К.Солеймани гэгч зохион байгуулсан гэж буруутгаж байсан юм. Тэгвэл энэ долоо хоногийн Пүрэв гарагийн шөнө Багдадын нисэх буудалд АНУ-ын зэвсэгт хүчин агаарын цохилт өгсний улмаас генерал К.Солеймани алагдсан байна. Агаарын цохилтын үеэр К.Солейманигийн цогцос олон хэсэг болж хуваагдсан бөгөөд хуруундаа зүүсэн бөгжөөр нь түүнийг таньсан талаар олон улсын хэвлэлүүд мэдээлж байна.
Түүнийг устгах тушаалыг АНУ-ын ерөнхийлөгч Д.Трамп өгсөн тухай Пентагон мэдэгдээд байна.
Энэхүү явдалтай холбогдуулж Иран орон даяар гурван өдрийн гашуудал зарласан бол, Ираны шашны тэргүүн А.Хамени төв телевизийн сувгаар үг хэлэхдээ “АНУ-аас генералын өшөөг авна” гэж амласан байна.
-ТУС ҮЙЛ ЯВДЛЫН ТАЛААР МОНГОЛЧУУДЫН СОШИАЛ ДАХЬ ПОСТУУД-
Шинэ оны баярын үеэр олон улсын хэвлэлүүдийн нэг онцлох сэдэв энэхүү үйл явдалд байсан юм. Харин энэхүү асуудалд манай зарим иргэд дараах байдлаар байр сууриа илэрхийлжээ.
Иранууд алагдсан генералынхаа хариуг авна гээд сүр сүр мэдэгдэл хийцгээж байна.Бодит байдлыг хэлэхэд дэглэмээ сөнөөх л хүсэлгүй бол Иран даруухан байсан нь дээр.Амиа хорлох хүсэлтэй бол Америк руу дайраад үзэх хэрэгтэй.Америктай байлдах нь утгагүй болсныг сайн ойлгохгүй л бн даа. pic.twitter.com/clah0H8yTE
— Batsaikhan B (@BatsaikhanBSU) January 3, 2020
Америкийн тусгай алба хаана ч хэзээ ч хэнийг ч хөнөөж чадна. Дэлхийн цагдаа л гэсэн үг л дээ...
— Т.ОТГОНБАЯР (@OtgonbayarT) January 3, 2020
ээ бурхан минь сайхан найзлаад л явж байвал улс орны эрх ашигт нийцнэ... хэхэ... https://t.co/qsZdJ0TIWY
Ираны 3-р хүн. Зөвхөн улсдаа биш, тэр бүс нутагтаа нөлөө бүхий цэргийн командлагч. Ойрхи Дорнод буцалж бн. "Хариугаа авсан шиг авна!" гэж сунни томчууд нь мэдэгдээд эхлэв... Энд тэнд секюрити улам чангарч, бөөн юм болох нь
— S.Bayar (@SBayar12) January 3, 2020
АНУ-ын Зэвсэгт хүчин байлдааны бүрэн байдалд орлоо гэсэн мэдээ явж байна.Ираны зүгээс буруу алхам хийвэл юу ч үлдээлгүй авна даа. pic.twitter.com/2Bd7gIFCt7
— Batsaikhan B (@BatsaikhanBSU) January 3, 2020
АНУ-н тусгай хүч Ираны армийн тусгай хүчний тэргүүн генерал Касэм Солейманыг Иракт хөнөөжээ. Энэ нь Ираны “supreme leader” Аяатола-н баруун гарыг тайрсантай ижил гж тоймчид жишиж бн. Мэдээ тавигдангуут газрын тосны үнэ өсөж фьючэрсүүд унаж эхэллээ. Иран ч зүгээр хараад суухгүй бх pic.twitter.com/m0do1SRmE9
— Батмөнхийн ЭНХБАЯР (@EnkhbayarBA) January 3, 2020
Яг Америкийн эсрэг бол All out war хийх чадамж Иранд бхгүй. Прокси дайн, Гибрид дайн, Кибер дайны хувилбарууд бий.
— Óðinn (@Jochen_Wotan) January 3, 2020
Ираны нэг аюул нь бүс нутагтаа тэр чигт нь Proxi war өдөөх гал өрдчих чадамж 💥💣🔥🔥
Багдад дахь Элчин лүү нь дайраад тэгээд л тэр үүрэг өгсөн генералийг нь хусчлаа шдээ. Одоо нөхцөл байдлыг далимдуулж Америк Ираны дэглэмийг солих гээд байх шиг байна. Ардчиллын салхи..
— Angie (@AngieMongolia) January 3, 2020
Оросыг Сири рүү оруулахад Путинд том нөлөөлсөн гэгдэж байсан Ираны генералыг Трампын заавраар устгажээ.
— Мэндсайхан ЭНХСАЙХАН (@Enkhsaikhan_PM) January 3, 2020
Шинэ он ширүүхэн эхэлж бнаа
U.S. kills top Iranian commander Soleimani in air strike https://t.co/STEeUvee4R
