Сагсан бөмбөгийн тэмцээний үеэр маргалдаж зодолдсон ЕБС-ийн ахлах ангийн 30 сурагчийг шалгаж байна

Сагсан бөмбөгийн тэмцээний үеэр маргалдаж зодолдсон ЕБС-ийн ахлах ангийн 30 сурагчийг шалгаж байна

Цагдаагийн байгууллагад аравдугаар сарын 26-ны өдөр Баянзүрх дүүргийн 3 дугаар хороо, 33 дугаар сургуулийн орчимд “Хүүхдүүд зодолдсон байна” гэх дуудлага ирсэн байна.

Улмаар дуудлага мэдээллийн дагуу тус дүүргийн цагдаагийн газрын хоёрдугаар хэлтсээс шалгахад ерөнхий боловсролын 33 дугаар сургуулийн 10-12 дугаар ангийн сурагчид сагсан бөмбөгийн тэмцээний үеэр нэгийгээ бөмбөгөөр оносноос улбаалан хоорондоо маргалдаж, тэмцээн тарсны дараа 30 гаруй хүүхэд зодолдсон болох нь урьчилсан байдлаар тогтоогдож, мөрдөн шалгах ажиллагааг явуулж байна.