“Дархан арьс ширний цогцолбор”-ын гүйцэтгэх захирал Д.Энхбаярын гэр болон албан тасалгаанд өнгөрсөн оны есдүгээр сард /2022.09.21/ АТГ-аас нэгжлэг хийж, улмаар саатуулан шалгаж байсан юм.
Тэгвэл түүнд холбогдох хэргийг мөрдөх байгууллагаас шалгаж дуусаад хэргийг шүүхэд шилжүүлэх саналтайгаар прокурорт хүргүүлсэн байна.
Эргэн сануулахад “Дарханы арьс ширний цогцолбор” ХХК-ийн гүйцэтгэх захирал Д.Энхбаярыг тус цогцолборын төслийн бүтээн байгуулалтын ажлыг хийхэд улстөрчдийн оролцоо байсан, үүнд нь Ерөнхийлөгч асан Х.Баттулга нөлөөлсөн байж болзошгүй хэмээн шалгаж байж магадгүй гэх мэдээлэл байдаг. Учир нь Дарханы арьс ширний цогцолборын бүтээн байгуулалтын ажлыг бодлогоор дэмжихийг Ерөнхийлөгч асан Х.Баттулга УИХ-ын чуулганы индэр дээрээс хүсэж байсан. Иймд тус төсөл нь Х.Баттулгын далд бизнес байсан байж магадгүй хэмээн хардах зарим иргэд байдаг юм.
