Гэрээсээ гараад сураггүй алга болсон иргэнийг дөрвөн сарын дараа олж, ар гэртэй нь холбоо бариулжээ. Тодруулбал, Энэ оны зургаадугаар сар /2023.06/-д Сэлэнгэ аймгаас гараад сураггүй алга болж, улмаар эрэн сурвалжилж байсан Т.Э гэгч иргэнийг цагдаагийн байгууллагаас олж тогтоон, ар гэртэй нь холбоо бариулсан байна. Тухайн иргэн нь Сүхбаатар аймгийн нутаг дэвсгэрт түр оршин сууж, амьдарч байхад нь тус аймгийн цагдаагийн газрын мөрдөгч олж тогтоожээ. Улмаар түүнийг эрэн сурвалжилж байсан талаар мэдэгдэж, ар гэртэй нь холбоо бариулж, эсэн мэнд байгааг нь дуулгасан байна.
