Монгол залуу Улаанбаатар хотоос Английн Манчестер хот хүртэл өөрийн мөрөөдлөө биелүүлэхээр дугуйгаар явж буй талаар бид өмнө нь мэдээлсэн. Мөн түүнтэй урт замын дунд түр саатах зуурт аяллын талаар дэлгэрэнгүй ярилцаж байсан билээ.
Мөн энэ талаар “Манчестер Юнайтед”-ын албан ёсны хуудас онцолсон юм. Тус нийтлэлд, “Манчестер Юнайтед”-ын нэгэн Монгол фанат “Улаануудын тоглолтыг үзэх” насан туршийн мөрөөдлөө биелүүлэхийн тулд эх орноосоо Олд Траффорд хүртэл дугуйгаар явж байна. Монгол Улсын нийслэл Улаанбаатар (Улаанбаатар) хотод амьдардаг Батболдын Очирваань өнгөрсөн тавдугаар сард дээрх аялалд гарсан бөгөөд одоогоор 3000 гаруй км замыг туулаад байна” хэмээсэн юм.
Тэгвэл дугуйгаар аялагч Б.Очирваанийг BBC агентлаг онцолжээ. BBC түүний талаар “Манчестер Юнайтед багийн тоглолтыг үзэхээр Монгол Улсын Улаанбаатар хотоос Их Британи руу дугуйгаар явж буй Монголын хөлбөмбөгчин энэ аяллынхаа талаар сэтгэгдлээ илэрхийлэхдээ "харамсахгүйгээр амьдрах” хэрэгтэй тухай ярьжээ. Б.Очирваань өнгөрсөн тавдугаар сард Улаанбаатар хотоос хөдөлсөн бөгөөд одоогоор замынхаа гуравны нэг орчим яваад байна. Тэрбээр арванхоёрдугаар сар гэхэд зорьсон газартаа хүрнэ гэж найдаж буйгаа хэлжээ. Харин Клубын зүгээс түүнд үлдсэн аялалд нь "амжилт хүсье" гэж мэдэгдэж байна” гэжээ. Дэлгэрэнгүйг ЭНД ДАРЖ харна уу.
ВИДЕО:
